Stren Kali Suroboyo

Mau awan, TPC oleh undangan seko DEWAN KOTA SUROBOYO gawe melu “FORUM REBOAN DEWAN KOTA” nang Gedung FISIP UNAIR ruang “ADI SUKADANA” lantei loro sing wes dadi langganan. Arek TPC sing iso teko nang FORUM kuwi sing nulis, deteksi, lan wak kyai. Lah, sing dibahas nang “FORUM REBOAN” minggu iki masalah penggusuran wong sing urip lan duwe omah nang bantaran kali SUROBOYO, koyo sing urip nang daerah JAMBANGAN, GUNUNGSARI, JAGIR, BRATANG, RUNGKUT, lan MEDOKAN.

Sak-jeke ono penggusuran wong nang STREN KALI JAGIR, akeh wong JAGIR sing kudu ngalih seko panggonane sing wes suwe dipanggoni, padahal biyen critane jarene wong sing urip nang stren kali jagir kuwi oleh ijin seko walikota suroboyo tahun 1980-an (jenenge lali). Critane wong-wong kuwi dideleh nang STREN KALI JAGIR mergo digusur pisan karo PEMKOT amergo ono pemekaran PASAR WONOKROMO. Karo PEMKOT, wong sing kene gusuran, diwenehi lahan lan KTP nang sebelahne KALI JAGIR.

Mergo ono gusuran kuwi, kiro-kiro penduduk rugi 21 miliar, 380 bangunan roto karo tanah, lah seko FORUM kuwi, warga stren kali njaluk pitulungan karo wong-wong urun-rembug yo opo penakne ngadepi PEMKOT sing jarene nikung warga masalah Undang-Undang (UU). Undang-Undang sing digawe pijean gawe nggusur warga STREN KALI, UU lawas ngomong 3 sampe 5 meter seko kali kudu ora ono bangunan, UU sing anyar 10 – 15 meter seko kali kudu resik seko bangunan. Jarene Anggota DPRD JATIM Komisi D Kaji Sholeh Hayat, nek gawe UU sing anyar artine DALAN JAGIR kene gusuran pisan, amergo nek diitung seko kali jarakne mek 7 meter-an. Padahal PEMKOT SUROBOYO gawe UU sing anya gawe ngusir penduduk. Seko dualisme UU iku, warga STREN kali golek pitulungan nang KOMISI D DPRD lan ngelawan PEMKOT SUROBOYO lewat class-action nang Pengadilan Negeri.

Nang Forum kuwi teko pisan Bu Sri Setyo Rahayu perwakilan POLWILTABES SUROBOYO sing njelentrekno POLISI kuwi ora melu-melu ngobrak-ngabrik, tapi POLISI mek dijaluki pitulungan gawe ngademno atine massa ben gak anarkis. Sing Mbongkar lan obrak-abrik tetep karo SATPOL PP sing jarene koyo PREMAN kuwi. Tapi ono warga sing melu Forum Reboan nylethuk, nek warga ora wedhi karo polisine, tapi warga wedhi karo khirek sing digowo, sak ruangan guyu kabeh…:).

Kaji Sholeh njelentrekno pisan, saiki GUSURAN sing dilakoni PEMKOT kudu mandheg dhisek, gawe ratifikasi disek UU sing engdi digunakno gawe pijekan hukumne. Warga BRATANG sing jarene ulan iki digusur jek iso ambekan dhisek, mergo POLISI ora dikonthak dijaluki pitulungan gawe GUSURAN STREN KALI lan KOMISI D DPRD JATIM ngandani Wali Kota SUROBOYO Cak BAMBANG D.H. ngendekne dhisek gusuran stren kali sampe aturan sing digawe jelas.

Mugo-Mugo warga STREN KALI SUROBOYO lan STREN KALI JAGIR oleh keadilan, ojo mek ditikung dan dibujuki thok……….

19 Responses to “Stren Kali Suroboyo”

  1. luxsman :

    sepurane sing kathah, absane amburadul…..
    saiki SUROBOYO lagi kilangan identitas awakne dhewe…., boso soroboyo wes ora ngerti kabeh…..

    *versi bahasa INDONESIA call me*

  2. ami :

    😀 ngelestarikno boso suroboyoan pancen perlu. he eh mugo keadilan tetep jik duwe nggon ning ndunio iki

  3. det :

    wakakakaak… wong asli suroboyo yo ngene iki nek nulis suroboyoan, apik man! lanjutkan! lebih cepat lebih baik!

    masalah stren kali ngono yo cak, ancen miturut rembugan wingi anok aturan sing direkayasa gawe nguntungno pabrik-pabrik ndek sekitar kono. masalahe sing omahe mepet kali kui wong-wong biasa, lha sing rodo adoh teko kali kui pabrik-pabrik sing gawene mbuwang limbah neng kali kono..

    aku curiga jangan-jangan iki onok unsur politis utowo kepentingan bisnis gawe investor sing arep manggon neng pinggir kali kui..

    piye derek menurutmu?

  4. novi :

    sing penting cangkrukan bareng dhisek sakdurunge pemkot bertindak. sopo ngerti ono solusi sing apik gawe wong-wong sing wes kadung nggawe omah nang kunu.

  5. suryaden :

    usul wae mbiyen sing nggawe kali sopo, ono iijine ora, mosok nggawe kali sakarepe dewe, bwahaha…

  6. Kyai slamet :

    lek aku, mbok yo pemkot ngobrak-abrik baliho, bilbrod lan bando dalan sing nggapleki lan nggatheli kuwi. Opo ancene cangkeme pemkot wis diuntali karo warna-warni lan sakkancane yo?

  7. gajah_pesing :

    @slamet: jelas iku met, tata kota iso’e orip mergo bando iku, seng cilik-cilik gak tau oleh kesempatan

  8. gajah_pesing :

    Matur suwun seng akeh gae wong-wong seng mbantu lan peduli masalah stren kali

  9. Kyai slamet :

    Lha genok program rusun ta? Mbok jo sakderma ngobrak. Penegakan hukum iki jo mung text book banget, sisi sosiologise piye jal?

  10. ajengkol :

    Arep protes dhisik la kuwi kok isih akeh boso indonesiane sing durung diterjemahne nang boso suroboyoan ?

    Yo ayo sauyub saeko proyo lan dongo dinongo kanggo sedulur STEN KALI mugo mugo ono pemecahan sing palin apik . . Amiin

  11. Andy MSE :

    aku seneng maca tulisan jawa wetanan kaya ngene iki…
    salut kanggo warga stren kali, muga-muga perjuwangane cepet kasil kanti adil…

  12. mantan kyai :

    apik!!! … wak kyai ndasmu mlethek ngunu (lmao)

  13. mantan kyai :

    walikota sukoco man seng nggusur teko pasar wonokromo ng stren kali …

  14. luxsman :

    wah nek nang SUROBOYO, kudu ndelok POJOK KAMPUNG pokokne…

  15. harry_zoe :

    suwi gak mlaku”neng stren kali…..

  16. nggresik :

    hoi..cack Luxsman…..
    KULO SANGAT NDUKUNG SAMPEYAN DALAM MELESTARIKAN BOSO SUROBOYAN UTOWO NGGRESIK AN

  17. nggresik :

    @det…..

    PABRIK dan Warga stren Kali….ono opo yo..?? iyo mungkin ada PABRIK di balik batu…maksude Warga stren kali di sawati watu

  18. noviantopr :

    Ingkang Dzolim mugi-mugi pinaringan Balesan Ingkang setimpal

  19. udin :

    Bantaran kali asline duduk kanggo panggonan omah opo maneh kanggo dodolan.. Satpol PP iku asline yo dadi korban lo…kan dewek e yo cuma dikonkon thok…

Leave a Reply